暫定12月24日係我返的第一份工Last Day。點都好，的確我係成日做錯野，為同事帶來不便。

總括今次工作經驗，係有好多地方要改進，例如：
1.做野唔夠快，唔夠準，唔夠細心，成日甩漏和唔記得D野。
2.唔明就要多問，做野要比以為做好做更好更足。
3.做完野要對多一兩次，以免有錯漏。

講講之後有咩打算，
十二月尾我會睇住個倉等結算，睇下到時係咩價位，做返相應ge野。
AA-stocks串流即時報價已經申請左，黎緊星期五會有得用。
買左個22"的LCD，連埋個舊的17"玩雙Mon，可以隨時一路睇報價一路做盤。

黎緊我ge目標係睇住個市，如果個市有時明確方向，就用正股去投機，
每月trade夠$888，可以免左即時報價的費用。

收市之後有多D時間去教劍，運動下都好，free好多。

老細睇唔起我玩緊的option唔緊要，我就係要賺到錢俾佢睇，
賺錢有快有慢，如果係有70%穩賺20%打和機會的慢賺，為何不做呢？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

之前都有朋友問我點投資好，我就話唔同大細ge錢有唔同做法，年青同中年又唔同做法。

1萬以下等值搏高時小注買價外短期option投機
1-20萬買股票，並適量地炒賣
21-50萬買股票並小量地沽出期權作對沖
50萬以上可以以期權為首，股票做對沖地賺錢

400萬以上的就買左層樓先再搞其他投資。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

今個月要減倉，睇下咩價啦，個市總好似易升難跌。
結算後派息，拎返部分賺到的錢去派息(預期係5%利息)。

在證券行做左3個月多D，錯錯漏漏中的過了，與同事合作不太好。
可能理念不同，有時真係無咩傾。
開會班同事認定左我廢up無料到，無人聽，講完同無講一樣。最後老細在上星期叫我唔使再開。

諗住坐settlement會好少少，點知call客D客又唔理解，搞到好似我追佢數gum，大家都無引。
其實交收係交易者的責任，點解要我call佢黎錢呢？應該佢唔黎錢我先至call佢。
副經理叫我T+1打電話俾佢地，AE叫我T+2下午見唔到佢地黎錢我先打俾佢地，
會計就叫我T+2上午12點前好call晒D客，費事搞到個戶口無數，轉唔到帳。

仲有好多好多。
尋日老細叫我搵定工，佢可以幫我寫推薦信，都叫friend底，好俾面。
基於種種原因，始終都係要走，只係比我預期快，唔到4個月就要閃人。

不過我始終都係堅持一樣野，我唔自己主動辭職。

依家睇緊會唔會做埋下個星期五，18/12，之後就等十二月期指期權結算，
臨走前最想係請一班同事食個tea，多謝佢地教左我gum多野。

之後點算？1月開左倉之後就去返個旅行先，之後在屋企自己做trade。

股票期權已經做左一年，十年一遇大升市，為我帶來的利潤不下數十萬。
連埋屋企人投入的資本，今年回報率約為37%，不是大高(因為有好多拎左去買股票做cover)。
下年目標係賺30萬(同今年一樣)，而2019年的目標係可以變到有1千萬(現本金的6倍)。

將來策略：

1. 要減減個倉位，因為槓桿會為你帶來豐厚的利潤，亦會令你輸掉之前的所有利潤。

2. 將全對沖的倉位平掉，因無時間值，沒有效果，降低整體回報率(現有18手中人壽倉係gum)。

3. 主力做中國人壽，工行、交行、中煤會少注做，減去工行正股持倉能帶來至少20萬的cash flow。

4. 投資的策略在需要的時間要調整，亦要守紀律，坐言起行。

尋日期權結算T+2，可以用股票抵押，拎返D按金出黎。
45手工行、8手交行，共按到6萬蚊，十分好，可以再炒過。

中人壽倉位全程做好，尋日中人壽跌到近$38.3，平左6張Dec $38Call，改沽Dec $39Call，再加3張Dec $38Put，如果係升，會賺多$6000蚊($1內涵值)。結果下午升到去$39。

今日再戰，到尾市中人壽去返$39左右，再Short Put，Jan $43 Put 及 Feb $42 Put，實際$38接貨。
今次唔short call，點解？因為費事被人夾淡倉，預期見$41後兩日左右再short call，
應該會short $45 / $46 Call，收$1在左右，以減低接貨成本。

依家個倉有點兒過大，12月無論點都好，都要減倉，減低持倉和淡倉數目，並減少極價內組合的，因其對整個盈利過小。

再睇

結算後T+1，十分好，上日接左隻3328交行升返5%，去返$5.2-$5.3水平。
我見到$5.26，就一野short Dec $9.5 call，我都排高2格，$0.26，
哈，一short到正股1分鐘就升左10格，吹脹。張call在$9.35時去到$0.32都short到。爭$360大洋。

目標：希望12月可以call走正股，連埋Short左的Put，可以賺到1萬蚊。希望可以補返今個月少少啦！

依家接左1398貨cover返30張Dec $4.8 Call同Dec $7 call ，再加埋3328的貨cover Dec $5.5 call，又多左cash flow。正！

繼續我的"股票按上按"之路

星期五係11月期指期權結算日，無啦啦俾中東震一震，震走左1000點，真係差唔多有貨都會灰。

中人壽由上週三的$40.7跌到落去$37.6，只需要兩日，星期四我都想買11月的$40put，$0.16，買左賺10倍，不過無如果的。
中人壽星期五開市就一野插左落去$39.0，(星期四係$39.95)，跟據trading plan，唔理幾多錢，
即刻有gum快quote價就即刻平左12張Dec$34put，食左佢糊先，
費事無無謂謂為左三千蚊接四十萬貨，到時真係樣衰。
結果用$0.28平倉，收市賣出價係$0.52(爭$2880)。之後short返3張Dec$36Put，收返$0.9，即$2700。

工行我都無預計到佢會跌到去$6.25 gum多，不過根據我個trading plan，會用$7接45手貨，目標達到，計埋之前收取的所有Short Put期權金，應係$6接貨(比現價有折讓)。
下個月有$4.8call + $6.75 Put，希望接到貨對返張$4.8call，補差價，因為真係無錢再去玩。
可能會轉倉，收多$1期權金，要睇埋12月月中走勢如何才定奪，或者等結算後才搞。

交行真係接貨接得無謂，最後一日大跌，搞到要用七萬二蚊接8手貨，
好彩我收左$0.23期權金，如果唔係我真係坐晒艇，
依家人人坐晒艇之時(七月中打後無一日係低過$8.7)，我才是入貨價(現價$8.82)，
本人對交通銀行的目標和策略係：等到佢升返上$9.5左右就short返8張$9.75即月call出去，再收返$0.3左右期權金，走range，如果call得走，可以賺埋Dec put + 正股，萬幾蚊度啦！
現在還持有12張交行Dec $9.0 Put + 8張交行Sep $9.0 Put，預期不會正股大跌，buy on weakness。

中人壽黎緊12月就應該唔會作D咩操作，如近月尾又升得太多的話就會買返D貨等call走(其實係re-stocking，存貨補回)。
如果跌得多的話，hea住等，反正有期權cover住，唔使太多貨被人call走都好。
依家諗緊有咩方法可以利用期權組合買返D貨，上升風險又唔會大。
等下先，可能12月跌呢！